Јапонската влада денес најави дека ќе потроши 470 милиони долари на проект за спречување на проток на радиоактивна вода од нуклеарната електрана Фукушима, пренесува Си Ен Ен. На проектот заедно ќе работат јапонската влада на чело со премиерот Шинзо Абе и сопственикот на нуклеарната централа.
Откако Фукушима пред две години беше погодена од силен потрес, а после тоа и цунами, локалните власти и ТЕРСО речиси секој ден се соочуваат со нови проблеми во нуклеарната централа. Акумулирани се големи количества на радиоактивна вода која веќе не може да се складира. Неодамна, поради истекување на 300 тони радиоактивна вода во морето, во Фукушима е прогласена трет степен на вонредна состојба.
Планот за задржување на водата, вреден 470 милиони долари е претставен денес а подразбира процес на замрзнување на тлото околу реакторот со што би се спречил проток на вода во Фукушима и во Тихиот океан.