Традиционалната новогодишна турнеја „Четири скокалници“ во знакот на Рјоји Кобајаши. Јапонецот, по Оберсдорф и Гармиш Партенкирхен, триумфира и на денешниот натпревар во Инсбрук и на чекор е до запис во историјата како трет ски-скокач што успеал да победи на сите четири станици, по две во Германија и во Австрија.
Кобајаши „леташе“ 136,5 метри во првата серија и 131 метар во втората на скокалницата „Бергицел“ и го задржа водството во генералниот пласман на новогодишната турнеја, но и во Светскиот куп. Второто место во Инсбрук го освои Германецот Штефан Крафт, трет беше Андреас Стјернен од Норвешка.
До крај на турнејата останува уште натпреварот во Бишофсхофен на 6 јануари.