Јавните комунални претпријатија се пред колапс, се борат велат со долгови, не можат да ја исплатат зголемената плата, бараат попуст при плаќањето на струјата, и се закануваат со исклучување на пречистителните станици за отпадни води.
Вака сублимирано може да се опише состојбата во овој важен јавен сектор чии први луѓе организирани во Здружение на даватели на комунални услуги, денес на прес-конференција побараа државата да им ги отпише или да им помогне во справувањето со долговите.
„Во наредниот период се очекува зголемување на енергијата на слободен пазар и Јавните комунални претпријатија ќе работат само за да ја платат сметката за струја, и ќе нема средства за покривање на другите трошоци“, беше речено на прес-конференцијата.
Притоа беше упатено јавно предупредување дека нема да можат да даваат водни и беше побарано од Владата да ја плаќаат струјата повластена тарифа како котларниците, топлотни станици, предшколски установи, училишта, интернати и домови, домакинствата, и други институции кои плаќаат поевтина струја.
„Доколку не се превземат мерки јавните комунални претпријатија ќе бидат принудени да превземат драстични мерки во насока на намалување на потрошувачката на електрична енергија, што пред се ќе значи исклучување од работа на пречистителните станици за отпадни води како најголеми потрошувачи“, велат од Здружението.