ВИДЕО: Јелена Жугиќ (од 39:34)
Не од сега застанавме зад овие 2046 проекти. Во моментот кога дојде ВМРО-ДПМНЕ на власт во 2006 година и кога за почеток ни ги зголеми платите за 60 отсто, од едно крајно недостоинствено ниво на академски граѓани, на културни работници на оваа држава ни го подигна нивото на едно нормално ниво, од тогаш мислам дека секој уметник, ама зборувам за уметник, за оној што вистински си ја носи уметноста во себе застана на страната на оваа влада, изјави вчера пред митингот на ВМРО-ДПМНЕ во Аеродром, актерката Јелена Жугиќ, кандидат за пратеник на оваа партија.
– Овие години слушам многу коментари дека ние уметниците по дифолт мора да сме опозиција. Меѓутоа, морам да нагласам дека за прв пат во историјата на Македонија, во историјата на моето битисување како актер, јас имам кариера веќе 25 години, можам да кажам дека за прв пат имаме влада која ги брани интересите на уметниците и е нон-сенс да си ти по дифолт опозиција.
Значи, ние многу одамна сме на страна на оваа владејачка гарнитура. Не само што ни ги зголемија платите, туку ги отворија вратите на театарските институции, значи има над 100 вработувања на млади актери коишто откако ќе завршеа академија во минатиот систем беа безизлезни. Си завршил факултет и не можеш да се вработиш.
Да не ви кажам ни изградија нов театар, па сега извинете ама јас 25 години работам со „буви“, бубашваби и со кровови што ни течат итн.
Оваа влада работеше со сериозни уцени. Доколку имаме 62 пратеника, порелаксирано ќе се работи и над овие 2046, уште 100 проекти ладно ќе легнат, сигурна сум…
Грев е од бога, на ваков христијански ден ќе кажам дека е грев од бога, кога одредени колеги зборуваат дека се цензурирани и не им се дозволува да работат.
Тоа се невистини. Тоа се лаги. Секој е поканет да работи во театар, меѓутоа не секој сака да допринесе во својата држава. Имаме ние една структура од уметниците на коишто им е многу покомфорно им е да работат надвор, во секој театар да бидат викани, да не одбиваат, а притоа да зборуваат дека они се цензурирани, нив не ги играме, не ги сакаме нивните претстави. Тоа е лага, тоа не е точно.
Се градат објекти и се вложува во меѓународната дејност на македонската култур… буџетот коој оваа влада го двои во културата од година во година се зголемува и при тоа нашето ресорно Министерство многу умно и многу паметно го троши тоа, изјави Жугиќ.