Грчкото вето за почеток на преговорите се плашам дека се користеше од македонските лидери како алиби за неимплемантирањето на реформите, изјави европратеникот Јелко Кацин на тркалезната маса организирана денеска во Европскиот процес а посветена на европската итеграција на Македонија на која присуствува и вицепремиерот Фатмир Бесими.
Зборувајќи за проблемот на Македонија со добрососедските односи за кои ЕК побара да се подобрат. Кацин нагласи дека граѓаните на Македонија нема да најдат просперитет во размислувањата за минатото.
Свртувањето кон историјата на македонскиот политички дискурс очигледно произведува последици. Тврдењето дека современите Македонци се потомци на античките Македонци го доведе во прашање бугарскиот идентитет имајќи во предвид дека Бугарите и Македонците споделуваат многу културни, лингвистички и религиозни симболи, вели Јелко Кацин.
Во своето обраќање Кацин се осврна и на локалните избори и случувањата во општината Центар.
Изборите беа оценети како добро администрирани но не и како фер и демократски, вели Кацин. Во овој контекст тој го наведува примерот на општина Центар каде што дента по победата на Жерновски беа поставени 30 споменика иако како што вели Кацин, добро беше познат критичкиот став на Жерновски за новите градби презентиран во кампањата.
Дополнително вели Кацин се случи инспекциски претрес во кабинетот на Жерновски веднаш по неговото преземање на функцијата.
Кацин се осврна и на состојбата со слободата на медиумите.
Според извештаите на Репортери без граници Македонија стана најзагрижувачки пример во Европа во 2013 поради арбитрарноста во одземањето на лиценци и влошувањето на амбиентот за работа на новинарите, вели Кацин во неговото обраќање на тркалезната маса во Брисел посветена на евроспките интеграциски процеси на Македонија.
На сајтот на НОВА во текот на денот ќе објавиме повеќе детали за дебатата која денеска се организира во Брисел.