Министерот за заедници и враќање, Далибор Јевтиќ, денес соопштил дека пратениците на Српска Листа ќе бидат одлучувачки фактор за формирање на идната Влада на Косово.
Тој заедно со пратеничката Јасмина Живковиќ и Саша Милосављевиќ, во понеделник ги посетија жителите на селото Ајновце, Општина Каменица и црквата Св. Марија Магдалена, при што учествуваа на свечена литургија.
За време на посетата, Јевтиќ изјавил дека е убеден дека нема да има нови избори на Косово и дека деветте пратеници од Српската Листа ќе бидат одлучувачки фактор за формирање на новата Влада на Косово.
Во меѓувреме, поранешниот лидер на парламентарната група за Независната либерална партија и пратеник на Српската Листа, Саша Милосављевиќ изјавил дека формирањето на специјален суд е уставно начело.
„Минатиот состав на косовското собрание одлучило за формирањето на Специјалниот суд и тоа е во согласност со уставот“, рекол Милосављевиќ