Австрискиот политичар Јоханес Хан ќе го наследи Штефан Филе во новиот состав на Европската комисија, но во неговиот план не стои проширување соопштуваат бриселски дипломатски извори.
Хан моментално ја извршува функцијата комесар за регионална политика, а ќе биде именуван во „комесар за соседството“ и на должност ќе стапи од први ноември.
Оваа одлука се вели дека е дело на новоизбраниот претседател на Европската комисија Жан-Клод Јункер и се очекува да биде соопштена во среда заедно со номинирањето на новите членови.
Називот на функцијата што досега гласеше Генерален директор за проширување и соседски политики, ќе биде преименувана во Директор за соседство, а Јункер донесе проценка дека во наредните пет години ќе нема примање на нови членки во Европската Унија.
Јоханес Хан вршејќи ја својата должност како комесар за регионална политика се има веќе запознато со Западниот Балкан.