Сериозно и е влошена здравстевната состојба на Јованка Броз, вдовицата на Тито, која неодамна била примена во болница, потврдуваат за Б92 од Ургентниот центар, но не сакаат да изнесат повеќе детали.
Како што се дознава во прашање се кардио-васкуларни проблеми и таа е приклучена на апарати за вештачко дишење.
Да потсетиме, таа беше примена во Ургентниот центар во Клиничкиот центар на Србија на 23 август во тешка состојба и веднаш беше сместена на интензивна нега. Според директорот Златибор Лончар, Јованка тогаш била во полусвесна состојба и реагирала само на јаки дразби, а првите анализи укажуваат на почеток на сепса.
Донесена беше во тешка состојба,со рани од лежење и непозната рана на градниот кош, со исклучително лоша крвна слика и почетните наоди укажуваат на сепса.
Според информациите на српските медиуми, лекарите се бореле за нејзиниот живот.
Таа беше на интензивна нега во срцето на Белград, во Ургентниот центар, каде
ја посети премиерот Ивица Дачиќ.
Со оглед на лошата здравствена состојба, но и староста на Јованка Броз, како и тоа што лекарите не сакаат ништо да прогнозираат, јавноста почна да шпекулира за тоа каде треба да биде погребана вдовицата на Тито, кога за тоа ќе дојде време.
Многумина меѓу кои и внукот на Тито, Јошка Броз, сметаат дека вдовицата на Тито, доколку таа тоа го сака, треба да биде погребна во Куќата на цвеќето, односно покрај Титовиот гроб.
Јошка Броз за белградскиот весник Ало пред еден месец, изјави дека со децении не е во контакт со Јованка Броз и истакна дека нема ништо против, ако таа тоа го сака, да биде погребана покрај неговиот дедо.
„Ние не сме во контакт, па не знам ниту дали има и тестамент, ниту пак тоа каде има желба да биде погребана. Претпоставувам дека тоа можеби го знаат нејзините сестри, со кои е таа во постојан контакт. Лично немам против доколку таа сака да биде погребана до мојот дедо. Моите родители беа разведени па ги погребавме заедно, а таа беше и остана официјална сопруга на Тито“, изјави Јошка Броз.
Тој се сомнева дека тоа ќе биде можно: „Како што гледам сакаат и него да го отселат од таму“.