Јавното претпријатие Јасен денеска соопшти дека вчерашната блокада на патот кај езерото е организирана од група која откако е поставен пунктот на ЈП имаат проблем непречено да криволоват по езерото.
Според соопштението на ЈП Јасен, кое стопанисува со акумулацијата Козјак, против лидерите на оваа група одамна се поднесени пријави за криволов, неколкупати им е одземена риболовната опрема, а едно од овие лица е правосилно осудено за криволов на дивеч со казна од 240 илјади денари.
„Сметаме дека, основното и вистинско барање на овие „граѓани“ е всушност несметано вршење на криминални работи како што е криволовството на дивеч и рибокрадство, а ние со овој пункт и присуство тоа им го оневозможуваме“, соопшти Јасен.