Десетици медиуми вчера и денеска на ударни места објавија вест со наслов дека Чешката република и други земји членки на ЕУ не биле консултирани од француското претседателство за предлогот на преговарачката рамка усогласен со Бугарија. Оваа вест, која долеа оган на многу други контроверзни информации со актуелниот француски предлог, беше основана на изјава од чешкиот експерт за европски интеграции, Јана Јузова.
Таа како гостин на Институтот за европски полтики од Скопје ја дала следнава изјава:
„Според она што го слушнавме од чешкото МНР тие се многу вознемирени со Франција и Бугарија, а причината е што за предлогот не биле консултирани други земји-членки. Била консултирана само Бугарија, а останатите земји биле оставени во темнина“, рече Јузова за време на дебатата. Според неа, Чешка и мнозинството земји-членки „ги гледаат сериозните проблеми” во францускиот предлог и разбираат „зошто е толку тешко за Северна Македонија да го прифати.”
Со оглед на тоа дека не се работи за официјален претставник на чешкото МНР денеска на брифинг одржан од високи претставници на ЕК во Скопје беше речено дека ваквото тврдење не е точно. Попладнево со реакција се јави на Твитер и самата Јузова да ги демантира насловите кои произлегоа од нејзината изјава.
I would like to clarify that my comments were based on my long-term research and opinion as a policy analyst following the EU enlargement and CZ foreign policy and in no way represent the official positions of @strakovka or @mzvcr https://t.co/LLrjgaq9h2
— Jana Juzová (@jana_juzova) July 9, 2022