– Ги имаме Хрватска и Македонија како целосни екстреми. Хрватска во изминатите седум-осум години, од статусот кој го доби на истиот состанок кога и Македонија, одработи се и влезе во НАТО, а влегува, еве, и во Европската унија. Македонија, од друга страна, не го поправи статусот ниту си отвори пат за понатаму. Дури не се избори ни за датум за почеток на преговорите, вели словенечкиот европратеник Јелко Кацин во интервју за црногорскиот весник „Побједа“.
Во интервјуто, Кацин уште вели „ако Македонија мисли дека повеќе не се Словени бидејќи неодамна заклучија дека „тие одамна веќе се“, тогаш се поставува прашањето кои се Бугарите? Затоа што со нив имаат исти светци, исти поети, исти цркви, исти манастири…таквиот пристап на политичкиопт врв на Македонија е прст во окото кај соседите. И ставајќи го под знак прашање националниот идентитет на своите соседи е неевропско и ретроактивно однесување.
Но овде Македонија не е некаква „жртва“ туку таа едноставно сеуште не одговорила на моменталните предизвици, а тоа е така бидејќи европските интеграции за Груевски веќе не се приоритет за Македонија. Доколку тоа беше неговиот приоритет, тие одамна ќе пронајдеа компромисно решение кое би им дало зелено светло прво за членство во НАТО а потоа и во ЕУ.“
Останатите земји – Црна Гора, Србија и Косово се меѓу тие два екстреми – вели Кацин, нагласувајќи дека Србија ќе ја претрка Македонија во јуни.
Тој дури и Косово, заедно со сите други земји, ги става во подобра положба од Македонија.