Потпретседателот на Делегацијата на ЕП за Југоисточна Европа Јелко Кацин денеска пред евро-парламентарците во Стразбур каде се дебатираше за извештајот за напредокот на Македонија, истапи со загрижувачки пораки кон македонските власти, потцртувајќи ги медиумските слободи и дијалогот помеѓу власта и опозицијата како најзагрижувачки:
-“Крајно време е македонските лидери да се соочат со фактот дека деблокадата на интеграцијата на нивната земја лежи скоро целосно на нив.
Тие треба да сторат сé што е во нивна моќ за да обезбедат европска иднина на својата земја, така што ќе се постигне компромис за прашањето за името со Грција.
Бескрајни приказни за далечното минато нема да го направи животот подобар македонските граѓани денес или во иднина.
Првите соседи на Македонија – Србија и Косово – постигнаа историски договор во април, со што се удрени темелите за нормализирањето на нивните односи. Премиерите Дачиќ и Тачи не ја избегнаа својата одговорност во директните разговори. Премиерот Груевски и неговиот грчки колеги имаат многу да научат од оваа епизода.
На Македонија и е потребно да продолжи со евроатлантските интеграции со цел закрепнување на економијата и стекнување доверба во странските инвеститори.
Најважните прашања со кои Македонија во моментов се соочува е загрижувачката состојба во сферата на медиумските слободи и демократскиот дијалог помеѓу владината коалиција и опозицијата.
Истовремено, македонските лидери мора да вложат далеку повеќе напори за унапредување на меѓуетничките односи во земјата.
Како што тврди последниот извештај на Хелсиншкиот комитет за човекови права во Македонија, власта можеби свесно го намалува бројот на насилни инциденти од етнички и верски мотиви кои и се познати на јавноста”, изјави потпретседателот на Делегацијата на ЕП за Југоисточна Европа Јелко Кацин, денеска пред евро-парламентарците во Стразбур.