Претседателот на Украина, Виктор Јанукович присуствуваше на самитот на Источното партнерство на ЕУ во Вилнус, Литванија, тврдејќи дека неговата земја не е заинтересирана за влез во Источното партнерство со сегашните услови. Европската унија беше неубедлива во нејзините обиди за историски договор за асоцијација со Украина, иако, се вели, тоа е најамбициозниот договор досега понуден на држава која не е во ЕУ.
Јанукович сеуште преговараше на самитот во четвртокот навечер, со детали дека треба да најде 12,5 милијарди евра во наредните 18 месеци, да ги исплати долговите на Украина за гас, како и други долгови, особено кон Русија. Тој претходно понудата од 600 милиони евра помош од ЕУ, ја нарече „понижувачка“.
Претседателот на Европскиот совет, Херман ван Ромпуј рече дека вратата не е затворена за 46-те милиони луѓе на земјата, но сугерираше дека за поголема понуда нема да стане збор.
„Ние сме подготвени да потпишеме договор со Украина, откако ќе бидат исполнети одредниците дадени од страна на ЕУ, и сме навистина близу. Не можеме овие средби да ги пропуштиме на историјата. Мора да издвоиме краткорочни размислувања и мора да го надминеме притисокот од странство“, изјави ван Ромпуј.
Најистакнат противник на планот за Источното партнерство е рускиот претседател Владимир Путин. Тој веќе успеа да ја убеди Ерменија да се приклучи во неговата Царинска унија.
Зборувајќи за „Euronews“, Тамара Гузенкова, специјалист за проблемите на поранешните Советски земји, и заменик-шеф на Рускиот институт за стратешки студии во Москва вели важно е да се разбере дека Русија не е против договорот помеѓу Украина и ЕУ. Таа вели, заплетканоста лежи на друго место, односно – како да се изградат односи со земја која се интегрира со друга унија, додека истовремено има доста блиски економски соработки со земја која не се интегрира со ЕУ.
„Секако, Украина е во сложена економска и финансиска позиција, и е заеинтересирана за услуги од двете страни. Но тоа е речиси невозможно бидејќи Европската слободна трговска зона и Царинската унија со Русија се два различни планови. Секоја си има свои правила, побарувачки и стандарди. Затоа, ако Украина се придружи на едната од нив, ќе мора да направи избор. Не само Царинската унија го има тој став, Европејците први побараа такво нешто“, објаснува Гузенкова.
Според неа, можеби Украина треба да застане и сериозно да размисли за тоа како да воспостави односи со Истокот и Западот во исто време, и како Украина, ЕУ, и Царинската унија заедно донесат договор.
На прашањето дали е реално можно да се воспостави троен-однос, Гузенкова вели, Европејците и Русите мора да се потрудат Украина да не биде пречката, и да и дозволат да стане дел од од глобалните односи Исток-Запад, помеѓу Русија и ЕУ.
„Мислам дека украинските власти премногу брзаа. Тие не се информираа соодветно за и против оваа одлука. Јас мислам, Европејците исто така се обидоа да ја навлечат Украина, и не земаа в предвид дека Украина е многу блиска со Евроазискиот пазар, или па можеби не сакаа да го видат тоа.“
Според заменик-шефот на Рускиот институт за стратешки студии во Москва, сега треба да настане период на смиреност, без заеднички пристап како што тоа се прави сега –да се дискутира за проблемот посмирено, и да се најде време да се седне и преговара, да се мисли како Украина, која е многу голема земја, може да избегне банкрот, за да одбере најдобар можен начин да се развива геополитички и економски.
Масовните протести во улиците на Киев започнаа пред речиси една недела кога опозицијата повика на мобилизација во знак на револт против одлуката на претседателот Виктор Јанукович да не потпише клучен договор со ЕУ, кој требаше да ја зголеми трговската размена меѓу двата партнери и да ја доближи Украина до Унијата, како и да се укине визниот режим за украинските граѓани.
извор: Euronews