Автори: Горан Ризаов и Борјан Јовановски
Колку и да се обидувале поранешните унгарски директори да ги уништат фајловите поврзани со Македонија во аферата Телеком, како што пишуваше Нова неодамна, некои траги за сомнителни дејствија се неуништливи. Ви својата обемна истрага за случајот, американската адвокатска компанија „Вајт&Кејс“ пронашла цел спектар на сомнителни договори и документирала стотици исплати на сметки во Македонија, Грција, Кипар, Швајцарија, САД итн.
Станува збор за повеќе од 20 сомнителни договори кои се внимателно евидентирани од страна на Американците, за кои се исплатени околу 24 милиони евра во периодот од пред продажбата на Македонски телекомуникации АД во 2001 година, па сè до почетокот на истрагата во 2006 година.
НОВА ја доби комплетната евиденција за сомнителните договори во аферата Телеком, подготвена од страна на „Вајт&Кејс“, која е преведена и доставена до македонските институции. Сите релевантни податоци ви ги прикажуваме по хронолошки редослед преку интеракцивен тајмлајн. Покрај познатите компании Чаптекс и Космотелко на Димитрис Кондоминас, потоа Аналитико и Радио рос како блиски до ВМРО-ДПМНЕ, присутни се и договори со оф-шор компанијата Мекартур Лојд Консалтинг, поранешниот градоначалник на Ресен, Димитар Бузлевски, Министерството за култура на Македонија, и многу други.
Погледнете го инфографикот.