На Македонија и се закнува безвластие, предуредува во изјава за НОВА судијата на Уставиот суд, Осман Кадриу. Според него пратениците согласно Законот за Собрание имаат права и обврски кои треба да ги остваруваат се до денот на верификацијата на мандатите на новите пратеници во Собранието.
“Во случајот тие ги користат правата, земаат плата и ги корристат сите привилегии а не сакаат да ги остварат своите обврски кои произлегуваат од законот” вели Кадриу за НОВА. Според него овој пратенички состав зема плата се до изборот на новите пратеници па дури од тој ден на верификација на новите мандати почнува нивната година на апанажа.
Во ваква ситиација државата се доведува во состојба на interregnum , или безвластие бидејќи само Собранието е тоа кое мора и може да го одреди датумот на изборите па дури и тие да се одржуваат во редовен термин во декември само Собранието може да каже кој е датумот на нивното одржување.
“Одлуката за распуштање на Собранието беше легитимна и Уставиот суд ја оцени како таква но по неа уследи прогласување на вонредна состојба од објективни причини и изборите беа одложени. Сега сме во ситуација кога нема кој да ги верификва одлуките на Претседателот и Владата и затоа зборуваме за безвласите” вели Кадриу.
Во овие околности кога претседателот на Собранието и пратениците одбиваат да ги извршуваат своите обврски Осман Кадриу предлага Уставиот суд да ја разгледа состојбата.
“Мислам дека Уставиот суд треба да го исфрли од правен поредок неговото решение за легитмноста на одлуката за распуштање на Собранието и со тоа да создаде услови Собранието да мора да заседава за да донесе нова одлука” вели уставниот судија Осман Кадриу во изјава за НОВА.
Талат Џафери одбива да свика седница на Собрание
Талат Џафери во емисијата Клик Плус ја отфрли можноста да свика собраниска седница. Иницијативата на СДСМ, Џафери дури ја оцени и како „пуч“ бидејќи, како што рече тој, Собранието не може да се состане по февруари бидјеќи пратениците ги вратииле мандатите дадени од граѓаните.
„Државен удар е и ништо друго! Мандатот во Собранието се добива од гласовите на народот. А не политичките партии кои ќе се собираат и да кажат можеме да го направиме ова или тоа. Народот го дава мандатот, Парламентот е на народот и е орган за застапување на граѓаните. Граѓаните даваат мандат од четири години кој може да биде продолжен само доколку во периодот на изборите во последните 90 дена се прогласува вонредна состојба или војна. Мандатот не може да биде скратен освен со судска постапка или оставка од страна на пратениците. Секој пратеник слободно гласаше на 16 февруари за да го врати мандатот на граѓаните.“, рече Џафери.
СДСМ не се откажува
Но, СДСМ не се откажува од барањето бидејќи сметаат дека со свикување на седница ќе се создаде контролен механизам врз Владата. Според нив тоа може да го направи само Собранието.
Меѓутоа, изјавија дека ќе ја почитуваат одлуката на Џафери и барат одоговор во писмена форма, а не преку медиумите.
Иницијативата не ја доби ниту поддршката на ВМРО-ДПМНЕ, а причината е иста како на Џафери, овој парламентарен состав нема мандат за да се врати во Собрание.




