Останаа уште само два дена, кога во Република Македонија ќе се најават промените.
Во недела, на 13-ти април, имаме шанса да свртиме нова страница од современата македонска историја, се обраќа Дарко Каевски, потпретседател на младите на СДСМ, преку соопштението добиено од оваа партија.
Во недела, имаме шанса Македонија да добие вистински претседател. Татко на нацијата, кој ќе обединува, а нема да дели. Стево, кој ќе биде сојузник на младите.
Овој пат, имаме двојна шанса. Со победата во недела, да се најават севкупните промени кои ќе се случат на 27-ми април.
Да кажеме збогум на суровата македонска реалност, на отселувањето на младите луѓе, на поделбите, притисоците и заканите.
Да ги испратиме во историјата оние кои ни ги ги украдоа шансите, посеа омраза и безперспективност.
Македонија заслужува претседател.
Македонија заслужува промени, за нов почеток.
За општество во кое сите ќе имаат еднакви шанси, а принципите на еднаквост и солидарност ќе бидат нашите основни двигатели. За реконструирани и нови студентски домови, во кои младите ќе живеат достоинствено.
Ние од Социјалдемократската младина на Македонија ги повикуваме младите, во недела, масовно да се спротистават на лошите политики кои ја тиштат Македонија.
Главна закана да биде нивниот разум, а не уценувањата на власта. Притисок да ни претставува лошата реалност, која мора да се промени, а не силеџиите од ВМРО-ДПМНЕ.
Да одбројме до 3 и да донесеме разумна одлука со која ќе се гордееме.
За нас, за Македонија, за генерациите кои следат!- изјавува Дарко Каевски, потпретседател, во соопштението добиено од СДММ.