Аријан Адеми како неодамна да немаше пауза од здравствени причини поради што мораше да се подложи и на операција во Минхен. Пропушти неколку меча на Динамо Загреб во хрватското првенство, го пропушти и реваншот во осминафиналето во Лига Европа со Бнфика, го немаше ниту во македонската репрезентација за дуелите со Летонија и со Словенија во квалификациите за ЕП 2020. Но, тринеделното отсуство не остави трага во неговите игри. Го покажа тоа и денеска во вториот 90 минутен настап за „модрите“ во хрватското првенство по кам-бекот.
Динамо Загреб славеше на гостувањето кај Истра 1961 со 4:0 за потврда на нова титула. Голеадата на стадионот „Алдо Дросина“ во Пула ја отвори токму македонскиот репрезентативец во 20 минута што е негова втора реализација на клупски план во сезоната. И првиот го постигна против истиот ривал во Пула во октомври лани. Покрај двата првенствена гола, Адеми постигна два и во дуелот со Хапоел Бер Шева во Загреб во квалификациите за Лигата на шампиони.