Орце Камчев утринава дал исказ во Обвинителството за организиран криминал за случајот „Рекет“ потврдија за НОВА од Обвинителството за организиран криминал.
Камчев бил повикан во својство на сведок.
Случајот „Рекет“ во Обвинителството за организиран криминал на 2 мај во Обвинителството го пријави Камчев.
Според пријавата што ја поднел и копијата што беше објавена во јавноста, Камчев пред Русковска тврдел дека историјатот на контактите со Бојан Јовановски и Зоран Милевски (осомничени во „Рекет“) започнува од септември 2018 г. кога Боки 13 првично му нуди „фиктивен проект за продажба на права за некаков тип на Fashion Mall“. На вториот состанок, според Камчев, Боки 13 донел „тип на договор кој беше потпишан од директорот на таа компанија за франшиза, а тоа е синот на обвинителката Катица Јанева“. Камчев вели дека му биле побарани 4 милиони евра за „ноу-хау“ и дека тој сфатил оти станува збор за фиктивен проект, па го одбил.
Следувал и втор обид од Јовановски, овој пат да му продаде „ексклузивна лиценца за старечки домови, од некоја европска асоцијација“, за која Камчев би добил ексклузивитет за територијата на Скопје.
„Јас сфатив дека се работи за земање рекет од страна на Бојан, затоа што тој претходно веќе измамил двајца луѓе со истиот договор за лиценца за старечки домови“, се цитира Камчев во објавениот Записник и притоа наведува дека мисли на Силјан Мицевски од Битола и роднина на Фијат Цаноски од Струга.
За случајот „Рекет“ во притвор се Бојан Јовановски – Бки 13, Зоран Милевски – Зоки Кичеец и специјалната јавна обвинителка Катица Јанева.