Синоќа нешто пред полноќ околу 23 часот, возач на автобус на ЈСП пријавил дека на автобуската постојка на булеварот „Александар Македонски” во Скопје повеќе непознати лица фрлале камења по неговиот автобус.
Скршено е задно стакло од автобусот што сообраќал на линија бр.66 кон селото Бучинци.
Полициските службеници веднаш го уапсиле 26-годишниот С.С. кај кого била пронајдена и одземена една дрвена палка.
По разговорот со возачот на автобусот како и со приведеното лице е дознаено дека станувало збор за група навивачи на ракометниот клуб„ Металург“ кои со камења фрлале по автобусот во кој пак се превезувале навивачи на РК „Вардар“ .