Поднесени се вкупно 203 амадмани на предлог Резолуцијата за Република Македонија од известувачот Ричард Ховит, што во април годинава треба да ја донесе Европскиот парламент.
Вкупно 127 амандмани поднесоа грчките и бугарските европратеници на предлог, од кои дури 92 амадмани се на бугарските, а 35 на грчките европарламентарци.
Покрај амандманите посветени на спорот со името и наводното непочитување на Бугарите во Македонија, Атина и Софија имаат идентични амадмани и на предлогот на Ховит.
Пратениците Салавракос и Кирилов бараат да се нотира „сериозна загриженост за последните политички случувања и почитување на демократијата“, додека Стојанов бара дециден став дека “земјата не ги исполнува политичките критериуми“!
Најактивни биле пратениците од Бугарија, либералот Станимир Илчев и Андреј Ковачев (Европски народни партии) кои поднесоа 30 амандмани. Европратеникот од бугарската партија Атака Димитар Стојанов поднел 25 амадмани.
Во еден од своите амандмани Ковачев вели дека „продолжува нетолерантноста и проследувањето на лицата со бугарска самосвет”, при што бара да се земат предвид „насилствата во Собранието пред крајот на минатата година, кога опозициски пратеници беа тепани и изнесувани на сила надвор од пленарната сала“.
Тој исто така бара во Резолуцијата да влезе дека „опозициската СДСМ презема дејства што не одговараат на европските стандарди за толерантност поради случајот кога нејзини општинки советници во Скопје скандираа „мрсни Бугари!“ кон своите колеги од општинскиот совет по повод преименување на улица“.
Известувачот Ховит предлага нов параграф во врска со политичките случувања во Македонија.
„ЕП верува дека Собранието е примарен форум за соочување и решавање на прашања и се повикуваат сите партии да се вклучат конструктивно во парламентарен дијалог. Притоа ги подравуваме состаноците меѓу Владата и лидерите на опозицијата и личното лидерство од страна на комесарот за проширување. Договорено решение и враќање на парламентарната расправа ќе биде во интерес на сите политички партии во земјата во рамки на агендата за интеграција во ЕУ и НАТО, вели Ховит во амандманот.
Ховит со амадман бара и „решавање на билатералните прашања во констурктивен дух и земајќи ги предвид севкупните интереси на ЕУ и вредностите на Унијата”.