Капетанот на потонатиот брод Коста Конкордија, Франческо Скетино, обвинет за повеќекратно убиство од небрежност, во продолжение на судскиот процес изјави дека за лошо изведениот маневар е виновен кормиларот на бродот.
Кога бродот се приближувал кон островот Џиљо, тој му наредил на кормиларот да го исправи бродот в лево, но тој „премногу споро реагираше и не го изведе маневарот до крај“, ја прнесува АП, изјвата на Скетино.
„Според моето искуство немаше да дојде до удар ако кормиралот веднаш и адекватно не го изведеше маневарот“, рече Скетино.
Кормиларот Џејкоб Расли Бин, е еден од вработените во компанијата Коста, кои успеале да се нагодат за да добијат помали казни во одвоен процес и осуден е на една година и осум месеци поради убиство од небрежност.
Истражителите посочија дека јазичната бариера можеби била проблем во разбирањето меѓу капетанот Италијанец и кормиларот Индонезиец.
Во бродоломот кој се случи пред 20 месеци загинаа 32 патници откако бродот вреден 450 милиони евра се насука на подводни карпи.