Караџовски објасни и дека Комисијата за заразни болести ќе предложи враќање на полицискиот час за кризните општини, кој според првичниот предлог би почнувал од 22 часот
Пред Рамзанските празници, Комисијата за заразни болести донесе свој став и предложи препораки, но главниот Кризен штаб ги промени тие мерки, обелодени епидемиологот и претседател на оваа Комисијата, Жарко Караџовски на денешната прес конференција. Тој со ова одговори на прашањето на НОВА, зошто ако се знаело дека нема да се почитуваат мерките и особено ако се знаеле последиците од тоа, дозволиле олабавување на мерките.
„Пред Рамазанските празници Комисијата даде свои препораки, но од непознати причини главниот Кризен штаб ги промени тие мерки, зошто не знам. Знаете дека инфекцијата се случува 7 до 10 дена после празникот Бајрам да кажеме, а ефектот е сега. Не се почитувале мерките, затоа ги имаме овие случаи сега во Скопје во четири кризни региони, каде луѓето се движеле од еден дел на градот во друг, по роднини и пријатели, а скопскиот регион е неделив“, одговори Караџовски.
Ова е всушност, моментот со кој беше донесена одлуката на Влада за олабавување на мерките на 26 април. Комисијата и за празникот Бајрам предложи полициски час од сабота од 19 часот до вторник до 5, но Владата одлучи дека полицискиот час треба да почне од недела од 11 часот до вторник до 5 часот.
Последиците сите ги знаеме, нагло зголемување на бројот на заболени, многу асимптоматски случаи кои ја шират болеста без да знаат, сериозно болни со тешка клиничка слика и починати. Најголемите и најголем процент од кластерите се токму од ваквите семејни средби и заеднички вечери. Караџовски вели дека непочитувањето на мерките, неносењето на маска, групирањето и ифтарските вечери „ни се удрија од глава како бумеранг“, претставувајќи ја епидемиолошката анализа на Институтот за јавно здравје.
Караџовски објасни дека Комисијата за заразни болести ќе предложи враќање на полицискиот час за кризните општини, кој според првичниот предлог би почнувал од 22 часот.
Тој образложи дела лично како доктор, не верува дека со забраната за движење од 22 часот ќе го намали ширењето на вирусот, но објасна дека целта е да се спречат вечерните групирања и ризикот од трансмисија да биде помал.
„Дали на тој начин ќе се спречи ширење на инфекцијата, ако ме прашувате како доктор верувам не, но нема да дозволиме после 22 часот да има групирања, седенки, собирања по паркови. Нема да дозволиме близок респираторен контакт на седенки по клупи. Дали мерката ќе се почитува во 18 часот, 19 или 22 часот, за мене е исто битно е да се почитува“, речче Караџовски.
Со ова рече, дека после тридневниот карантин им се дава можност на луѓето „да олабават“ и до 22 часот да ги завршат секојдневните обврски.
„Ако едно време имавме полициски час од 21 до 05, сега денот е подолг. Се затемнува покасно и дел од луѓето се на работни места до 16-17 часот, еве да имаат три сата можност да испазаруваат, да прошетаат на воздух и да се вратат дома. Тоа ни беше првата водилка за 22 часот. Ние можевме да направиме и предлог од денеска од 14 часот. Што ќе се случеше? Луѓето ќе трчаа од работа дома и ќе не колнеа ќе ни зборуваа дека не сме стручни. Сега дека сме пуштиле од 22 ни велите што правите ги олабавувате мерките. За некои работи морам народски да се изразам: Дел од народот ни се тера ни се води“, изјави Караџовски.
Тој апелира до граѓаните да ги почитуваат мерките бидејќи како што рече„само тие што не биле на Инфективна клиника не знаат колку е мачна таа атмосфера“.
„Господ не може да помогне ако народот не ги почитува мерките“, рече Караџовски.
Коронавирусот во земјава е концентриран во 12 града во земјата кои опфаќаат 97,5 отсто од случаите. Според епидемиолошките анкети и анализи, околу 65 отсто од заболените со коронавирус во Скопје се поврзани со познат случај, а 90 отсто од нив спаѓаат во 41 кластер. До пред вториот бран во Скопје имало 15-20 кластери. Сега има 41 кластер.