Бројот на жртвите од силниот земјотрес со интензитет од 6,1 во југозападниот кинеската провинција Јунан достигна 367, соопшти агенцијата Ксинхуа, цитирана од американските медиуми. Повредени се повеќе од 1 800 луѓе.
Околу 12 илјади станбени згради се урнале во густо населениот округ Лудан, на околу 366 километри североисточно од Кунмин, главниот град на провинцијата Јунан.
Според податоците на геолошки институт на САД, потресот се случил вчера во 16,30 часот по локално време на длабочина од 10 километри под земјата и со епицентар во градот Лунтоушан.
Спасувачките напори на кинеските власти се отежани поради лошите временски услови.
Поројниот дожд и лизгање на земјиштето на главните патишта ги блокираат напорите да се евакуираат околу 57 илјади луѓе кои останаа без покрив над главата по катастрофалниот земјотрес.