Специјалната јавна обвинителка Катица Јанева ќе одлучи дали обвинителите Фатиме Фетаи и Гаврил Бубевски ќе бидат изземени од случајот „Титаник 3“,откако адвокатите на обвинетите побараа изземање на двајцата обвинители, но и на Јанева, поради како што рекоа нивните меѓусебни конфронтаации.
Судијката Марија Клетничка рече дека Јанева не може да биде изземена и барањето е неосновано, а за изземањето на обвинителите надлежна е Јанева.
Обвинителките Јанева и Фетаи се конфонтираа откако специјалната јавна обвинителка наредила на влез и излез од зградата на СЈО да се проверуваат сите обвинители, на што бурно реагираше Фетаи.
Случајот „Титаник 3″ е пред самиот финиш, а обвинети се Ејуп Аљими и Исмет Гури од ДУИ.
Тие се товарат дека како членови на Општинската изборна комисија во Чаир на локалните избори во 2013 година уништувале изборен материјал.
Јанeвa треба да ја соопшти одлуката до 14 часот, за кога е закажано продолжението на денешното рочиште.
Титаник 3: Одбраната бара изземање на СЈО поради настаните-Фетаи не го коментира „Рекет“