Ќе се прави скрининг на населението во Дебар и тоа во регионите каде што досега има рестриктивни мерки. Скринингот ќе се прави со донацијата од 20 илјади тестови за анализа на антитела кои ги добило Министерството за здравство, а со ова се очекува да се добие јасна слика за имунитетот на населението таму, што подоцна може да се примени на ниво на цела држава, најави министерот Филипче.
„Со оглед на тоа дека нема веќе новодијагностицирани пациенти, ќе се прави скрининг на 20-30 отсто од населението за да се процени имунитетот, што ќе помогне во натамошните активности. Ова е со цел да се процени имунитетот за да знаеме што можеме да очекуваме на ниво на цела држава кога ќе одлучиме да се прават тестирања за присуство на антитела пошироко“, изјави Филипче.
Инаку, министерот рече дека е направен распоред за распределба на 1 милион маски кои се донација од Чешка, а кон крајот на неделата се очекува и донација на медицинска опрема од САД , која ќе биде распределена во болниците или ќе се чува во Министертвото за здрваство како залиха и ќе се дистрибуира по потреба.