Американскиот државен секретар Џон Кери изјави дека силите на сириската влада убија 1.429 луѓе со нападот на хемиско оружје во близина на Дамаск минатата недела, јавува ББЦ.
Г-дин Кери изјави дека меѓу загинатите има 426 деца, и го опиша нападот како “незамислив ужас”.
Набргу потоа, претседателот Барак Обама изјави дека сирискиот хемиски напад е закана за националните безбедносни интереси на САД .
Тој рече дека САД размислува за “ограничена акција”.
Владата на претседателот Башар ал-Асад го негираше извршување на нападот од минатата недела и ги обвинува бунтовничките сили.
Инспекторите на ОН за хемиско оружје ги испитуваат наводните напади со отровен гас и ќе ги презентираат своите докази на ОН, откако тие ќе заминат во Дамаск утре.
Но, г-дин Кери изјави дека САД веќе имале факти и ништо што инспекторите за оружје на ОН што ќе најдат би можело да му каже на светот нешто ново.
Тој рече дека кој било одговор да се случи не би ги вклучил САД во долготраен конфликт како што се Ирак или Авганистан.