Украинската државна служба за вонредни ситуации соопшти дека рано утринава Русија извршила напад со балистичко оружје врз Кијив. Притоа избувнале неколку пожари, а три лица се повредени.
Во соопштението е наведено дека пожарникарите ги отстрануваат последиците во регионите Дарницки, Оболонски и Соломјански, пренесе Украинска Правда.
На една локација се урна зграда и се запалија три паркирани автомобили во близина, а пожарот во меѓувреме е изгаснат. Во Оболоњскиот регион избувнал пожар во фабрика за мебел, а пламенот се проширил и на друга магацинска зграда.
На друга адреса делумно се урнати третиот, четвртиот и петтиот кат од петкатен деловен центар. Во Соломјанскиот регион имало пожар на отворен простор на некои жаришта и опожарена е фасада на магацинска зграда.