Две големи важни одлуки ќе ја одбележат наредната година во Кина. Одлучено е да се омекне политиката за едно дете по семејство која беше воведена пред 30 години. Кина одлучи исто така да ги укине камповите за реедукација преку работа, јави кинеската агенција Нова Кина.
Овие две реформи беа усвоени преку гласање во Централниот комитет на Комунистичката партија кон средината на ноември а потоа дадени на гласање во Националниот народен парламент.
Во 1957 година беше воведен системот на реедукација преку работа, “лаоџиао”. Преку овој систем беше доволно на барање на полицијата да се затвораат луѓе кои можат да останат во затвор до 4 години.
Оваа мерка во текот на долги години беше применувана и често злоупотребувана. Организациите за одбрана на човековите права тврдеа дека локалните власти во Кина ја користат мерката против лицата кои им се политички или бизнис противници. Според агенцијата Нова Кина, овие кампови станале непотребни откако “се развил судскиот систем” во земјата.
Сепак, експертите тврдат дека треба да се внимава поради тоа што во Кина постојат, под различни имиња, други форми на затворање без судска одлука.
Втората вест во Кина е резолуцијата со која им се дава право да имаат уште едно дете со што ќе се стави крај на политиката за единствено дете која е на сила веќе 30 години. Но ова ќе им биде дозволено само на родителите од кои едниот е единствено дете.
Во моментов на брачните парови им се забрането да имаат повеќе од едно дете. Исклучоци се разбира постојат но досега само за родителите кои се и двајцата единственото дете ви нивните семејства. Исклучок беа и случаевите на децата на малцинствата или брачните парови од село чие што прво дете било женско.
Кинеската агенција јавува дека во одлуката на Националниот народен парламент “локалните власти сега ќе треба да го донесат амандмани во контролата на раѓањето или да донесат одлуки во функција на проценката на нивната локална демографска ситуација и во согласност со новиот закон”. Целта на оваа одлука е да се намали стареењето на кинеското население. Во Кина просекот вели дека секоја жена има 1.5 деца а тоа е бројка која не дозволува обнова на генерациите.