Дополнителниот заменик министер за информатичко општество и администрација Александар Кирацовски денеска изјави дека на неколку месеци пред изборите се бара инспекторите да имаат положен испит за инспектор најдоцна до 1. јули 2016-та година, во спротивно ќе ја загубат работата.
– Тоа се бара од инспекторите токму во следните 4 месеци, март, април, мај и јуни.
Укажувам дека инспекцискиот совет кој одлучува за лиценците на инспекторите, според законот што си го изгласа мнозинството на Груевски, е формиран од Владата, рече Кирацовски на прес конференција.
Тој објасни дека во 2013-та година прво со закон ги условиле инспекторите дека можат да останат инспектори само ако се стекнат со лиценци, и покрај тоа што се примени на работа според друг закон кој што не го предвидува тоа за нивната служба.
– Но токму ова министерство ги прекрши законот и роковите. Дури по две години, на 8 февруари минатиот месец, го донесе Правилникот за начинот на полагање на инспекторите, со што им го скрати рокот за полагање. Намерно ги поместија роковите за лиценци на инспекторите за да прават притисоци врз нив и врз граѓаните, смета Кирацовски.
Поради сето ова, тој побара привремените лиценци на инспекторите да бидат продолжени за една година, а во меѓувреме, во фер и транспарентна постапка да можат да го полагаат испитот.