Кире Наумов ја објави својата кандидатура за претседател на СДСМ и најави нов начин на владеење на партијата.
„Имам концепт со кој може СДСМ да стане реална и прифатлива политичка алтернатива за сегашната власт. Имам визија како да ја вратиме надежта кај работниците, осиромашените, невработените, маргинализираните групи, сите чија основна желба е да живеат достоинствено од својот труд“ ја пренесува Макфакс, изјавата на Наумов.
Според него, кадровскиот потенцијал на СДСМ е огромен и има квалитетни луѓе подготвени и способни заеднички да ги направат потребните промени.
Според Наумов, СДСМ досега грешеше со тоа што испуштил квалитетни луѓе кои си заминале или биле избркани од партијата, а тоа е она што тој планира да го промени.