Директорот на Државниот инспекторат за локална самоуправа Ванчо Шехтански утрово се сретна со претставници на граѓанската иницијатива Веритас. Им објасни дека тој добил претставка од ВМРО ДПМНЕ за ДУП-от на општина Центар и ќе постапи ако се изгласа.
-Прво Советот треба да ја изгласа точката. Потоа да се објави во службен гласник. И дури потоа ние имаме можност да направиме инспекција. Веќе е поднесена преставка од партијата ВМРО ДПМНЕ, им рече директорот на претставниците од Веритас.
Од Веритас велат дека денес нема да има протести, иако седницата на која може да се изгласа точката која тие ја спорат е во тек.
Добивме длабоко уверување од директорот дека ќе постапи така како што треба. А бараме поддршка, покрај државните и од црковните институции. Му порачуваме на Жерновски дека ова беше само ронка од гревот на граѓаните, а ќе се соочи со уште поголем гнев, ако треба и со жив штит ќе ја браниме црквата ако ја донесе одлуката или ако не ги почитува одлуките на државниот инспекторат, велат од Веритас.