Неколку дена пред судот во источниот дел на Кина да го објави датумот за доставување на многу очекуваната пресуда во судскиот процес за Бо Ксилаи, посрамениот лидер на Комунистичката партија ја повтори својата невиност, но ја предвиде долгата казна затвор со писмо до неговото семејство.
„Бев вовлечен во погрешна насока, но вистината ќе излезе на виделина еден ден“, пишува Бо во писмо датирано на 12 септември, осврнувајќи се на митото, наводно земено од страна на неговата сопруга, и другите скандали во кои таа е вмешана, како и нејзините пријатели.
„Во меѓувреме трпеливо ќе чекам во затвор“, продолжува Ксилаи. „Татко ми беше во затвор неколкупати во неговиот живот и ќе се огледам на него како за пример“.
>> Кина: Бо Ксилаи обвинет за корупција
Покојниот татко на Бо, Бо Јибо, бил револуционерен современик на претседателот Мао Це Тунг и а подоцна и на врховниот лидер Денг Ксијаопинг. За време на бурната Културна револуција започната од Мао во 1966 година, сепак, постариот Бо бил прогонуван, малтретиран и затворан за повеќе од една деценија. Тој бил „рехабилитиран“ во 1979 година и стана еден од највлијателните високи политичари под Денг.
„Татко ми и мајка ми починаа, но нивните поучувања се длабоко врежани во мојот мозок“, пишува поранешниот кинески политичар. „Никогаш нема да ги посрамотам нив и нивната слава. Морам да ја поднесам ситуацијава без разлика колку тешка ќе биде“.
Судењето на столетието во Кина, на Бо Ксилаи, чека на сведочењето на сопругата на екс-политичарот.
„Ја ставив фотографијата на мајка ми покрај мојот кревет. Со неа покрај мене не се чувствувам осамено“, заклучува тој во своето писмо.
Блиски извори до фамилијата на Бо, за CNN ја потврдиле автентичноста на писмото кое кружи на интернет. Изцорите велат на интернет е презентирано само дел од оригиналното писмо кое се однесува на неговата фамилија.