Ќе учествува ли Косово на самитот на шефови на држави или влади на Процесот за соработка во Југоистична Европа (ПСЈЕ) чиј домаќин е Македонија и на први Јуни треба да се одржи во Охрид? Контрадикторни изјави доаѓаат од кабинетот на претседателот Ѓорѓе Иванов и косовските медиуми. Новинската агенција Танјуг упатила прашање до кабинетот на претседателот Иванов од каде одговориле неодредено.
-Република Македонија се залага за учествување во регионалната соработка и на тој принцип се заснова нејзината политика. Во досега утврдениот формат на сите одажани самити досега Косово немаше статус на член на ПСЈЕ. Република Македонија го следи развојот на ситуацијата и примената на неодамна потпишаниот бриселски договор и е во постојана комуникација со двете страни (Белград и Приштина). По завршните консултации ќе уследи и конечниот став по ова прашање, се наведува во писмениот одговор од Кабинетот на Претседателот на РМ до Танјуг. .. riština (FoNet, arhiva)
Истовремено, приштинскиот портал Коха јавува дека Косово е покането на.самитот на ПСЈЕ во Охрид и дека косовоскиот министер за надворешни работи Енвер Хоџа добил и официјална покана и покрај, според нивните пишувања, инсистирањата на српската страна да не бидат присутни да охридскиот самит.
16 по ред самит на ПСЈЕ е посветен на намалувањето на ризикот од катастрофи и прилагодување на климатските промени. Ќе присуствуваат претседателите на Србија, Хрватска, Албанија, БиХ, Бугарија, Хрватска, Молдавија, Црна Гора, Романија, Словенија, како и шефот на дипломатијата на Турција. Единствено претседателот на Грција и грчкиот министер за надворешни работи не одговориле на поканата.