Десетина скопски клиники непотребно ги враќале пациентите во родните градови по упат од матичен лекар иако можеле самите да ги креираат електронски. Само за еден месец во Фондот за здравство стигнале 26 поплаки од пациенти, 13 од нив се проверени и се констатирани пропусти во работењето.
– Има 26 поплаки од пациенти од Кратово, Делчево, Демир Хисар, Струмица, Гевгелија и други градови. Констатирани се поплаки иако дошле во Скопје со упат од матичен лекар со закажан „Мој термин“ повторно меѓу клиники или во рамки на истата клиника за да бидат хоспитализирани или да се направат дополнителни прегледи се вратени во своите родни градови каде што им се матичните лекари.Во сите 13 случаи кои се спроведени на терен констатирани се пропусти во работењето, изјави м-р Маја Парнарџиева – Змејкова директорка на ФЗОМ.
Вкупно 12 клиники кои меѓу кои и неколку хируршки, за непотребно малтретирање на пациентите треба да платат казна од 75-150.000 денари.
Веќе четири месеци за преглед од една на друга клиника на пациентот не му е потребен нов упат од матичниот лекар, но медицинскиот персонал и лекарите не ги прифатиле и не ги испочитувале правилата.