Кои се приоритетите за афирмирање на македонската литература во странство?
По неколку години успешно претставување на Саемот на книга во Лајпциг, Министерството за култура, годинава, реши да не даде пари за писателите со образложение дека овој саем не е приоритет.
„Ако според Министерствто за култура, годинава е приоритет претставувањето на македонската книжевност во Белград или Истанбул – тогаш се работи за сосема погрешни политики затоа што за воспоставување на сериозни релации потребни се десетина години. Ако лани направивме успешна приказна во Лајпциг, а годинава одиме да освојуваме нови територии – не се работи за стратегија, туку за туризам“, вели издавачот Роберт Алаѓозовски во разговорот во Нова.
Годинава во Лајпциг беа претставени авторите: Ермис Лафазановски, Ким Мехмети, Јовица Ивановски, заедно со издавачот Алаѓозовски ги поддржа европската преведувачка мрежа „Традуки“.
Според Алаѓозовски за ваквите претставувања трпат, бидејќи буџетот е натоварен со гломазните проекти како „Скопје 2014“.