Кои и какви се всушност неговите вистински мотиви е прашање на кое, кога одговор ниту побара ниту доби уредникот на МТВ, оваа една реченица нема да го добие ич
Зоран Иванов
Го гледав бриселското интервју во денешниот дневник на МТВ на премиерот Мицкоски и ај што новинарот си молчеше и си ги слушаше неговите изветвени елаборации за идентитетот и за сличните дребулии, а колегата можеше да се прослави, да ја спаси честа новинарска и да го потпраша каде тој денес гледа идентитетска загрозеност, да го потсети дека да, вековно историски како Македонци и како народ македонски сме биле и негирани и понижувани и дека е точно дека не нè признавале и Србите и Грците и Бугарите но и дека тоа со Србија заврши со АСНОМ, тоа со Грција со Преспанскиот и тоа со Бугарија со Рамката француска и дека да, има источниот сосед едно негаторско изолирано и од ЕУ игнорирано пусулче за јазикот но и дека на истата тема и ние таму едно контра памфлетче оставено имаме и дека ова што сега тој, премиерот, популистички затскриен зад некаква идентитетска загрозеност ѝ го прави на нацијата македонска и на земјава македонска, е само историска зомби борба на ВМРО-ДПМНЕ Македонија да се држи што подалеку од Западот, никако да не зачекори на ЕУ патот и тоа ни се случува сега во ова наше ново историско време кога од Рамката наваму никој, ама баш никој, ниту Бугарија дијалект веќе спомнува, ниту јазик спомнува, ниту идентитет, ниту бутур па, оттука, каде тоа денес премиерот гледа загрозеност идентитетска и зошто новинарството наше македонско не му бара појаснувања на темата негова туку, напротив, сесрдно му премолчува и го негува неговиот партиски популизам ама тоа е баш башка тема, а темата за премиерот е во прашањето новинарско непоставено за тоа кои и какви се всушност неговите вистински мотиви, прашање на кое, кога одговор ниту побара ниту доби уредникот во МТВ, оваа една реченица нема да го добие ич.
Текстот е сопственост на ЦивилМедиа