Од локалните избори најмногу заработила телевизија Алфа и тоа 11 807 328 денари. Најмногу пари во рекламната кампања во оваа телевизија дале ВМРО ДПМНЕ, 10 483 755 денари, но затоа пак телевизијата им отстапила 17 часа и 59 минути простор за снимките од нивните партиски митинзи.
Опозиционата СДСМ во оваа телевизија за рекламната капања дала 994 148 денари се вели во извешетајот на „Транспарентност Интернешенел Македонија“ кој мониторингот на медиумското рекламирање на политичките партии го базира на анализиите спроведени од агенцијата „Нилсен“Скопје.
На второ место по заработени средства од локалните избори е телевизија Алсат-М со 9 617 616 денари. ДУИ во оваа телевизија вложила 7 034 616 денари, а СДСМ- 2 583 000. За рекламен простор за нивните партиските митинзи телевизијата одвоила два часа и 20 минути.
Веднаш по овие телевизии со најмногу заработени средства од локалните избори се Канал 5 со 7 034 616 денари и Сител со 5 511 611, додека МРТВ спред законот не е должна да емитува платена политичка програма.
Иако се позицинирани на трето и четврто место овие две телевизии на гледачите им понудиле по 18 часа платена политичка програма од митинзите исто колку и телевизија Алфа.
За разлика од провладините телевизии, Телма, 24 Вести и ЕРА од кампањата се офајдиле многу помалку. Телма заработила нешто повеќе од 3 милиони денари, 24 вести 2 856 060 денари, а ЕРА скоро еден и пол милион денари.
Најголем дел од парите за платената политичка програма во 24 Вести се од Републиканската алијанса, мал процент од ДОМ, а опозиционата СДСМ таму за рекламирање не вложила ниту денар стои во извештајот на „Транспарентност Македонија.“ Опозиционата СДСМ за рекламната кампања во Телма вложила 2 399 730 денари.
За разлика од телевизиите, во весниците е сосема поинаква ситуацијата. Политичките партиите не биле дарежливи, ниту многу заинтересирани за да се рекламираат, па во сите весници заедно вложиле вкупно 301 739 денари.
Најмногу пари за рекламната партиска кампања дале ВМРО ДПМНЕ 264 582 денари, а најмалку ДОМ со „куриозитетна“ сума од 189 денари.
Од „Транспарентност Интернешнел Македонија“ за НОВА велат дека ова не се конечни бројки, бидејќи партиите имаат законски рок од 30 дена по завршувањето на изборите да ги пријават финансиските извештаи во ДИК и до другите надлежни институции.
„Има политички партии кои не ги доставиле финасиските извештаи, а постапката се растегна најмногу поради приговорите и жалбите за неправилности во текот на гласањето“ велат во „Транспарентност Интернешнел Македонија“.