Николај Василев, кој е предложен од Слави Трифонов за премиер на новата бугарска Влада, одговара на профилот што шоуменот го опиша пред студентите во Пловдив во пресрет на изборите. Трифонов тогаш рече дека идниот премиер мора „да знае јазици, да има завршено престижен универзитет“, да има експертиза и да биде професионалец во нешто“, пишува бугарскиот портал медиапул.бг.
Николај Василев знае осум странски јазици – англиски, унгарски, руски, итн. Има дипломи од еден куп странски универзитети – за економија од Економскиот универзитет во Будимпешта, за деловна администрација, финансии и економија од Државниот универзитет во Њујорк и магистратура по меѓународна економија и финансии од Универзитетот Брендеис (Валтем, САД) и Универзитетот Кеијо (Токио, Јапонија). Од 1999 година, Николај Василев, исто така, има престижен степен на CFA (овластен финансиски аналитичар). Од 1996 до 2001 година работел како банкар за инвестиции.
Со сите овие квалификации, тој совршено се вклопи во „визијата“ на кабинетот „Сакскобурготски“, кој дојде на власт во 2001 година со ветување дека ќе ја поправи Бугарија за 800 дена.
Николај Василев беше заменик-премиер и министер во две последователни влади – онаа на Сакскобурготски, која владееше во коалиција со МРФ, а потоа и во кабинетот на тројната коалиција (БСП-НМСС-МРФ).
Во 2010 година, речиси една година по напуштање на власта на Василев, Министерството за финансии предводено од ГЕРБ објави дека Оперативната програма „Административен капацитет“ на Василев е исцедена безобразно, а компаниите блиски до министерот за државна администрација учествувале во расипништво на програмата.
Од 183 завршени проекти за обука, преквалификација, развој на веб-страница и слично, финансирани со европски пари, 35 беа со груби прекршувања. Ова беше утврдено со инспекција на спроведувањето на Оперативната програма „Административен капацитет“ (ОПАК), спроведена од единицата за ревизија на европските фондови при Министерството за финансии, стана јасно од изјавата на тогашната заменичка на министерот за финансии Ани Михајлова.
Во владата на Станишев, управувањето со ОПАК беше доверено на министерот за администрација и административна реформа Николај Василев. Според Михајлова во тоа време, постоеше јасен судир на интереси, прекршувања на Законот за јавни набавки и злоупотреби извршени од градоначалници и невладини организации во 35-те компромитирани проекти. Четиринаесет проекти се предадени на обвинителството, а Европската канцеларија за борба против измама (ОЛАФ) однесе уште 10 за истрага.
Други 11 проекти се предадени на Државната агенција за финансиска инспекција, што може да воведе финансиски санкции и да го вклучи алармот на Обвинителството.
Ревизијата утврди дека корисниците подготвувале тендерска документација за добивање на проект на одредена компанија или фалсификувани документи. Во пракса, на учесник му се давал договор со најниска цена, но последователно се склучувал по многу повисока цена.
Идентификувани се случаи во кои се склучени договори за износи што ги надминуваат пазарните цени. На пример, за развој на страница со исти параметри, еден корисник се пријавил за доделување на 3.000 лева, а друг – за 50.000 лева.
Откритијата на Министерството за финансии за сериозни повреди во рамките на ОПАК беа објавени јавно по обемниот текст што беше објавен во весникот „Капитал“ за судир на интереси на поранешниот министер за администрација Николај Василев. Во тоа време, тој веќе влезе во управување со финансиската група „Експат“, додека неговите деловни партнери во последователната „Експат Бета РЕИТ“ беа корисници на проектите на ОПАК пред формирање на РЕИТ, кога Василев беше на чело на министерството. Според изданието, некои од компаниите се поврзани со мајката и сопругата на Василев.
Истражувањето на „Капитал“ покажува дека компанијата „Експат Бета“ РЕИТ е основана во зимата во 2008 година, кога Василев беше министер, а нејзини основачи биле Моника Јосифова, советник на тогашниот премиер Сергеј Станишев (а потоа и неговата сопруга) и сопственик на ПР агенцијата „Актив груп“, потоа мајката и сопругата на Василев, генералниот секретар на MSAAR (Министерство за државна администрација и административна реформа) Билијана Дакова и адвокатот Иван Тодоров (Сиела Норма АД).
Пред формирање на „Експат Бета“, дел од основачките компании добија јавни договори од оваа програма, управувана од MSAAR.
На пример, „Актив Груп“, акционер во „Експат Бета“, тогаш има 20 отсто од акциите на Конзорциумот за дијалог со администрацијата, кој го добива договорот за „информирање на пошироката јавност“ за програмата ОПАК со понуда од 1,2 милиони лева. Сопственик на „Актив Груп“ е Моника Јосифова која, исто така, е управител на конзорциумот. Во тоа време комитетот за мониторинг на ОПАК беше предводен од заменик-министерот Марија Дивизиева, подоцна извршен директор на „Експат Груп“.
Летото во 2008 година „Оксиген“ ЕООД добива јавна набавка на MSAAR со предмет – „следење на спроведувањето на специјализирана обука на англиски јазик за работа со институциите на Европската унија“. Средствата доаѓаат од ОПАК, а компанијата нуди цена од 208.000 лева за извршување на 5.000 инспекции. За време на доделувањето на договорот, „Оксиген“ беше ко-акционер со сопругата и мајката на министерот, како и со главниот секретар на Министерството, Билијана Дијакова.
„Сиела софт и Издаваштво АД“ доби реализација на договор за обука на судии и на судски службеници, доделен од ССК (финансиран со средства на ОПАК) вреден скоро 500.000 левав. Издавачката куќа имаше преддоговор со Министерството на чие чело беше Николај Василев за 50.000 лева. за обука на службени лица за работа со Законот за електронска влада усвоен во тоа време. Во конзорциум со други компании, !„Сиела Софт и Издаваштво“ се јавува како извршител на нарачки за над 1,5 милиони лева, средства што доаѓаат од ОПАК.
Заклучоците од односите меѓу членките во инвестициската компанија, поединците и управата на MSAAR и соодветно управувањето со OPAC се јасни и предизвикуваат сериозни сомневања за судир на интереси.
Сосема друга тема е фактот дека главниот проект на „Експат Бета“, REIT во тоа време беше купување на 140.000 квадратни метри земјиште во одморалиштето „Камчија“ на брегот на Црното Море. Ова беше предмет на посебен скандал. Дури и по објавување на откритијата на медиумите и Министерството за финансии во 2010 година, Николај Василев изрази силно негодување од фактот дека тој се смета за одговорен за исцрпување на Оперативната програма „Административен капацитет“.
Во одговорот на поранешниот министер Николај Василев, на тимот на Министерството за финансии му се испраќаат честитки „за давање информации за прекршувања од корисниците при реализација на проекти од програмата“. Сепак, прекршувањата беа на ниво на „индивидуални корисници“, како општини, невладини организации, итн. Тогаш Николај Василев се воздржа од каков било коментар за презентираните факти за тоа како компании блиски до него имале добиено средства во рамките на ОПАК во времето кога тој беше министер.
„Експат капитал“, компанијата што признава дека го креирала проектот „Експат Бета РЕИТ“, тврди дека пред 10 години, но и сега, тие немале никаква врска со проекти од оперативната програма ОПАК.
Медиапул го објави правото на одговор добиено од компанијата на 13 јули 2021 година.
Преземено од медиапул.бг