Две европски лидерки се појавуваат како можни кандидати за нов шеф на Европската комисија откако фаворитот, Жан-Клод Јункер, беше објавено дека размислува за повлекување на неговото име, анализира “Индепендент”.
Хеле Торнинг-Шмит, премиерката на Данска, и Далија Грибаускаите, претседателката на Литванија, кои и двете имаат искуство во Брисел, беа разгледувани од страна на европските официјални лица како консензуални кандидати за функцијата претседател на Комисијата, откако Дејвид Камерон нагласи дека Велика Британија жестоко се спротивставува за именување на Јункер.
Тимот на Јункер енергично негираше дека се повлекува од трката, откако германскиот весник “Дер Шпигел” цитираше помошници на Херман Ван Ромпуј, претседателот на Европскиот Совет, како вели дека се очекува да се повлече.
Но, неговата кампања доживеа уште поголем неуспех кога “Тајмс” објави наводи од страна на поранешни разузнавачки претставници дека тој се предал на пијанчење, на официјална средба во 2007 година.
Г-динот Камерон ќе отпатува во Шведска утре, да за да помогне за разгледување на алтернативен кандидат на поранешниот премиер на Луксембург, во разговори со германската канцеларка Ангела Меркел.
Премиерот има двајца сојузници: премиерот на Шведска, Фредерик Рајнфелд, и холандскиот премиер, Марк Руте.
Додека најголемата група во парламентот на Брисел, Европската народна партија, има право да го именува својот најпосакуван кандидат – Јункер – алтернативата на кампањата, поддржана од Британија, Италија, Шведска и Холандија, лесно ќе го блокира во гласањето. Меркел е во тешка позиција, велат претставници во Брисел, бидејќи додека Јункер е од иста европска парламентарна група, таа пак, посакува свежо лице.