На Црната листа на САД, покрај Груевски е и неговата фирма регистрирана во Унгарија во малото место во близината на Будимпешта, Пецел.
I.C.I.C. Дооел е регистриран на 14 јули во куќата на улицата Боцскаи бр. 9 во Печ. Управител и сопственик на компанијата е самиот Груевски, основна дејност на фирмата е деловен и ПИ АР, организирање на конференции, но и други активности вклучувајќи трговија на големо со порцелан, стакларија и производи за чистење. Фирмата иако со седиште во ова село крај Будимпешта е регистрирана на адреса на живеалиштето на неговата мајка, Нада во Скопје. Како управител на фирмата фигурира извесна адвокатка Катлин Хорњик. Оновачкиот влог во фирмата е 3 милиони форинти или 8 илјади евра.
Миклош Лигети, директор на Транспаренси Интернешнл коментирајќи го ставањето на американста црна листа Груевски и неговиот братучед како и оваа фирма значи дека Западот превзема мерки како дел од санкциите кон Русија но и нејзиното влијание на Балканот.
“Груевски не мора да се плаши од Унгарија, бидејќи одлуката на САД само му забранува влез во САД или, доколку има, му ги замрзнува средствата таму и ги спречува Американците да прават бизнис со него” вели Лигети.
Куќата во која се наоѓа седиштето на фирмата на Груевски изгледа скромно и не отскокнува во урбанистичкиот пејзаж на Пецел. Тоа е просечна семејна куќа, опкружена со туја и ограда од штици, велат за НОВА колеги новинари кој го познаваат случајот на Груевски. Некои од нив разговарале и со локаното население.
Локалните жители велат дека ретко може да се види некој во куќата. Тие се информирани за тоа дека со нивното место постои врска на некој кој бил премиер во Македонија но не го препознале досега самиот Груевски. Велат повремено во куќата доаѓаат некои луѓе кои, локалните жители по говорот ги препознаваат како Бугари или Срби. Куќата делува ненаселена па сепак на прозорецот кој гледа кон улицата во внатрешноста се гледа орхидеја која е жива што сугерира дека некој понекогаш ја наводнува.
Б.Ј.