Илјадници луѓе пристигнаа на стадионот во Јоханезбург каде се одржува комеморацијата за Нелсон Мандела. Голем број претседатели на држави и влади веќе допатуваа во Јоханезбург, меѓу нив се американскиот претседател Брак Обама, кој допатува заедно со сопругата Мишел, а во авионот бил и неговиот претходник Џорџ Буш.
Тука е и лидерот на Куба, Раул Кастро, земја која е половина век во непријателски односи со САД. И тој и Обама треба да имаат свое обраќање. Дождливото време не ја избриша дарбата на Мандела да ги доведе непријателите заедно преку политичките и расните поделби.
Пристигнаа и францускиот претседател Франсoа Оланд, како и неговиот претходник Никола Саркози. Таму е веќе и британскиот премиер Дејвид Камерун.
Иако сакаше да дојде Далај Лама не присуствува на комеморацијата во Јужна Африка зашто не доби виза, а израелскиот премиер Бењамин Нетањаху реши да не дојде зашто осигурањето за тој пат премногу би го оптеретило државниот буџет.
На стадионот се личности од светската култура – Боно Вокс, Чарлиз Терон, се очекува да пристигнат и Опра Винфри, Наоми Кенбл и други. Таму е и еден од најистакнатите борци против апартхеидот Дезмон Туту.
Како што јавуваат свестките медиуми на стадионот владее славеничка атмосфера слична повеќе на фудбалски напревар отколку на погреб.
Властите во Јужна Африка се загрижени поради големиот број луѓе кои би сакале да бидат на стадионот и ги повикуваат да останат локалните места за збогување.
Веќе пристигнаа меѓу 2.500 и 3.000 новинари. Скандал доживеа чешкиот премиер во оставка Јиржи Риснок, чиј разговор во кој се жалел дека му е тешко да патува толку далеку и се прашувал како да го избегне патувањето, се најде на интернет.
Денешната комеморација за Мандела, големиот борец за човекови права коинцидира со Меѓународниот ден за човекови права.