Повеќе од 90 претставници на државите ширум светот се упатени кон Јужна Африка, што се очекува да биде најголемиот собир на светските лидери во историјата на Африка. Податокот зборува доволно за импактот кој Нелсон Мандела го оставил врз светот.
Мандела, активистот кој 27 години помина во затвор пред да стане првиот црн претседател на ЈАР, почина во четвртокот на возраст од 95 години.
Американскиот претседател Барак Обама утрово веќе се упатил кон Јоханесбург, на комеморацијата која ќе се одржи во вторник на градскиот стадион во Јоханесбург. Она што е веројатно е дека 90 000 седушта нема да бидат доволни за луѓето кои се очекува да пристигнат да му оддадат почит на големиот борец против апартхејдот.
Погребот со државни почести ќе се одржи во недела во родниот град на Мандела.
Најмалку 91 шефови на држави и 10-ина поранешни функционери се најавени во Јужна Африка.
Во придружба на Обама, поранешните претседатели Џими Картер, Џорџ Буш и Бил Клинтон ќе бидат дел од американската делегација. Помеѓу другите гости, најавени се и принцот на Велс, Чарлс, британскиот премиер Дејвид Камерон, генералниот секретар на ОН, Бан Ки-мун, како и познатите Боно, фронтменот на U2, потоа Опра Винфри, и Наоми Кембел.