Вечерва со почеток во 20.30 часот во сала 25 Мај во МКЦ, најнаградуваниот женски младински хор при МКЦ, под диригентство на маестро Сашо Татарчевски ќе одржи концерт под наслов „Кон корените“.
На концертот ќе бидат презентирани повеќе македонски композитори од најстарата генерација со композиции кои го отсликуваат нивниот хорски израз.
Ќе бидат изведени дела од Ристо Аврамовски, Трајко Прокопиев, Тодор Скаловски и „јубилејците“ Стефан Гајдов (110 години од раѓањето), Кирил Македонски (90 години од раѓањето) и Властимир Николовски (90 години од раѓањето).
Женскиот младински хор при МКЦ е со традиција од 43 години и е најнаградуваниот македонски хорски ансамбл во странство.
Влезот е слободен.