Грчкиот посредник во аферата Телеком, Димитрис Кондаминас ги задржал оригиналните документи со потписите на поткупените македонски функционери во 2005, стои во пресудата на судот во Њујорк, јавува весникот Фокус во денешниот број.
Со одлуката на судијата Ричар Саливан од 8 февруари годинава одбиено е барањето на обвинетите од “Маѓар” и “Дојче Телеком” кои барале судот да се прогласи за ненадлежен во процесот кој Американската комисија за хартии од вредност го води против нив, како што пишува Фокус.
Невладината “Транспаренси Интернешнл-Македонија” го превзема текстот на Фокус на нивната страница каде дообјаснува дека тие во неколку наврати објавиле докази дека грчкиот посредник преку кого одел поткупот на функционери е Димитрис Контаминас – човекот кој гради хотел веднаш на скопскиот плоштад како дел од проектот Скопје 2014.
Невладината во средата му ги испрати на јавниот обвинител Марко Зврлевски тајниот документ “Протокол за соработка” на кој стојат имињата на македонските владини функционери, но таа верзија е непотпишана и може да се најде на интернет заедно со последната одлука на њујоршкиот суд.
Шемата со корумпирани политичари и документите кои ги објавија американските институции во кои беа покренати обвиненија против инволвираните од Маџар Телеком, јасно покажуваат дека вмешаната фирма – кипарската Чаптекс Лимитед е сопственост на Димитрис Кондаминас. Обвинетите од Телеком склучувале лажни договори за консултантск услуги со Чаптекс, а потоа со тие пари се подмитувале македонските политичари и фунционери со цел да се помогне во одржувањето на монополската позиција на Телеком.