Во вакви услови, за мене лично и за мене како премиер, заради политиките во кои верувам, заради демократските и европските вредностите во кои верувам, политички неодговорно и неоправдано пред мојот народ и мојата земја би било јас лично  да продолжам да ја водам Владата на евроатланскиот пат, напиша Заев во оставката

Собранискиот спикер, Талат Џафери, предмалку ја констатираше оставката на премиерот Зоран Заев.

Со овој чин, во оставка, исто така, е и сиот негов кабинет и почнаа да течат  уставните рокови за избор на нова Влада.

Претседателот Џафери појасни дека нема да има нови седници во вакуумот до избор на нова влада, бидејќи Владата во оставка не би требало да предлага закони. 

Оставката на Заев се случи по лошиот резултат на локалните избори, а тој поднесе оставка и на лидерската функција во СДСМ.

На ова место е избран Димитар Ковачевски, кој, најверојатно, ќе биде и новиот мандатар.

Спикерот Џафери рече дека се до изборот на новата Влада, Владата останува на должност.

Во оставката Заев наведе:

Резултатите на последните избори, иако беа локални, за политичкиот момент во кој се наоѓа земјата имаа и национална политичка тежина. Во вакви услови, за мене лично и за мене како премиер, заради политиките во кои верувам, заради демократските и европските вредностите во кои верувам, политички неодговорно и неоправдано пред мојот народ и мојата земја би било јас лично  да продолжам да ја водам Владата на евроатланскиот пат. Сметам дека друг премиер од редовите на СДСМ тоа ќе може да го оствари на подобар начин, со успех и за граѓаните и за државата. резултатите на последните избори, иако беа локални, за политичкиот момент во кој што се наоѓа земјата имаа и национална и политичка тежина.