Контрапункт – асоцијацијата за развој на нови и алтернативни практики и политики во социо-културниот контекст, критичката мисла и граѓанскиот активизам, најавува дебати и изложби на настанот насловен „Мала школа за антифашизмот – медиумите и отпорот“, којшто ќе се отвори на 13 декември 2013 година, во 19:00 часот, во просториите на НГ Мала Станица, Скопје.
На 13 декември во 19:00ч. во просториите на НГ Мала Станица, ќе се отвори изложбата „Вас ист Аркзин“ проследена со јавната дискусија на којашто учествуваат Борис Буден, филозоф, теоретичар на култура и медиуми од Загреб/Берлин (воведно предавање), Љубомир Данаилов Фрчкоски, Жарко Трајаноски, Никола Гелевски, Рамадан Рамадани и Томислав Медак.
На 14 декември, во просториите на ГЕМ во старата чаршија, од 18:00ч. е промоцијата на книгата „Вовед во минатото”, со разговор меѓу Желимир Жилник и Борис Буден, а од 19:00ч. – 21:00ч. е проекцијата на филмот „Стара школа на капитализмот“ режиран од Желимир Жилник.
Активностите врзани за настанот може да ги проследите со кликање на овој линк: