Коалицијата за Позитивна Македонија одржа конвенција во Универзалната сала во Скопје, јавува партијата.
“Голем број на симпатизери и подржувачи на КПМ ги исполнија редовите на универзалната сала. На конвенцијата беа претставени сите кандидати за пратеници од сите изборни единици кои беа предводени од носителите на изборната единица.
На конвенцијата се обратија основачите на Алијансата за Позитивна Македонија, г-дин Минчо Јорданов, проф.д-р Владо Бучковки и г-дин Љупчо Зиков.
-Не одиме напред со доволно силно темпо. Сведочиме на многу делби , на црни и бели, на наши и ваши, на леви и десни. Таа поделеност не дозволува резултат. Мора да се изгради став, не против оние или овие, туку за државата и за нашиот граѓанин. Затоа нашата партија се појави како една можност и ќе биде поддржана од сите. Сме докажале и ќе докажеме дека знаеме како се води државата, изјави еден од основачите на АПМ, г-дин Минчо Јорданов.
-Ние не велиме дека веднаш ќе ја промениме власта. За таа цел се уште немаме сила, но имаме доволно сила и позитивна енергија да го промениме начинот на владеењето. Ние ќе влеземе во парлментот и во идната влада и ќе ја покажеме силата на Позитивна Македонија. Силата на нашата заспана убавица , на оваа наша уморна Македонија. Се измори кутрата цели 23 години. Последниов период слушам „ Државата пред се“, Ние велиме не државата, “ Граѓанинот пред се“, потенцира претседателот на Главниот Одбор на АПМ , проф.д-р Владо Бучковски.
-Македонија не смее да остане без своите луѓе. Коалицијата за Позитивна Македонија има единствена точка на дневен ред, да го запре овој егзодус, да ја запре белата чума, а тоа да го направи со економски развој со брзи чекори затоа што Македонија не може повеќе да чека и да крвари пред портите на Европска унија, немоќно без идеја, без концепт. Затоа Алијансата за Позитивна Македонија во својата програма го има проектот за 100.000 нови работни места во реален сектор, и тоа 30.000 во првите 365 дена од владата на позитивна македонија или владата во која таа ќе учествува, изјави претседателот на АПМ,г-дин Љупчо Зиков”.