Published: Friday, February 26, 2016 11:00
Косовскиот парламент на дневен ред на денешната седница го има и изборот на претседател на Косово.
Изборот е меѓу двајца кандидати од редовите на Демократската партија на Косово, шефот на дипломатијата Хашим Тачи и Рафет Рама.
Опозицијата најави дека нема да дозволи Хашим Тачи, кој е и претседател на Демократската партија на Косово да биде избран на функцијата шеф на државата и оти ќе организира протести во парламентот и пред него.
Претседателот на Косово треба да биде избран до 6 март. Во спротивно мора да бидат распишани вонредни парламентарни избори. Според процедурата, во првите два обида потребно е за него да гласаат две третини од пратениците, додека во третиот обид доволни се 50 проценти, односно 61 пратеник.