Нова обдукција во Косово ќе се прави врз телата на деветтемината убиени косовски Албанци, припадници на вооружената група која се судри со полицијата во Куманово.
Телата, рано утрово, во придружба на нивните роднини, беа префрлени во Приштина.
Директорот на косовската судска медицина, Арсим Грџали, изјавил дека обдукцијата ќе биде направена по разговорите со роднините на убиените. Датумот на нивниот погреб дополнително ќе биде соопштен, откако ќе биде завршена аутопсијата, пренесуваат косовските медиуми.
Трошоците за транспорт ги покриваат семејствата, нивни претставници или претставници на косовските власти.
Министерството за надворешни работи на Македонија ја информираше косовската амбасада дека во земјава дека веќе е извршена обдукција и идентификација на загинатите припадници на терористичката група.
Во полициската акција во Дива населба во Куманово загинаа 10 припадници на терористичката група, потврдија од Oбвинителството. Девет се од Косово, и еден е од Македонија