Во првите шест месеци на оваа година, во Косово се обработени 13 случаи на тероризам, соопшти Специјалното обвинителство на Република Косово.
Портпаролот на обвинителството, Лиридона Козмаќи, за Радио Слободна Европа изјавила дека 10 случаи на тероризам, во кои биле вклучени 22 лица, од обвинителството биле обработени во првите три месеци од 2014, во следниот период април – јуни, обработени се 3 нови случаи во кои биле вклучени 13 лица.
„За 34 лица е донесена одлука за истрага“, вели Козмаќи, додавајќи дека за останатите е „подигнато обвинение по завршување на истрагата“.
Во однос на последните приведувања што се спроведоа во Косово, таа нагласи дека „од 57 осомничени лица, 40 се приведени, 17 се во бегство и косовската полиција трага по нив“